කියවීම් පත්‍රිකාව
- වෙසක් දිනය ලෝකවාසී බෞද්ධ ජනතාවගේ පූජනීය වූ උතුම් වූ දිනයයි.
- සිදුහත් කුමරුන්ගේ උත්පත්තිය, බුද්ධත්වයට පත්වීම හා පිරිනිවන් පෑම යන තෙමඟුල සිහිගන්වමින් මෙම උත්සවය සිදු කරයි.
- වෙසක් උත්සවය අරභයා සිදු කරනු ලබන පිංකම් මගින් මානව සහයෝගිතාවය හා එක්සත්කම වැනි ආකල්ප වර්ධනය වේ.
- වෙසක් උත්සවයේ දී ආමිස මෙන් ම ප්‍රතිපත්ති පූජාවට ද ප්‍රමුඛතාව ලැබේ.
- බෞද්ධ පුජනීය ස්ථාන මුල් කොට ගෙන වෙසක් උත්සවය සමරනු ලැබේ.
- බොදු බැතිමතුන් විසින් සිල් සමාදන්වීම, බෝධි පූජා, දන්සැල් හා ශබ්ද පුජා පැවැත්වීම මෙම උත්සවයේ පවත්නා සුවිශේෂී අංග වේ.
- වෙසක් උත්සවයේ දී ආමිස මෙන් ම ප්‍රතිපත්ති පූජාවට ද ප්‍රමුඛතාව ලැබේ.
- ගමේ පන්සල ප්‍රධාන කොටගෙන වෙසක් උත්සවය අලංකාරව පවත්වනු ලැබේ.
- තොරණ, පහන් කුඩු, සුභ පැතුම්පත්, පහන් වැටි, බල්බ වැල්, කොඩි ආදී නිර්මාණ අංග තුළින් මෙහි අසිරිමත් බව වැඩි වේ.
- වෙසක් නිර්මාණ කිරීමේ දී ටිෂු කඩදාසි. ගොක් කොළ, වර්ණ කඩදාසි, ඉරටු, පොල් කටු ආදී විවිධ ද්‍රව්‍යය භාවිත කරයි.
- මිදුලේ විවිධ හැඩතල ඇඳ ඒ අනුව පහන් තබා දැල්වීමෙන් හා සකස්කරන පහන් වැටි ආශ්‍රිත අලංකාර පහන් සැරසිලි නිර්මාණ ද කරනු ලැබේ.
- කෙසෙල් කොට ප්‍රයෝජනයට ගනිමින් ඒවායේ අලංකාර හැඩ යොදා වෙසක් පහන් ඒ මත තබා දැල්වීමෙන් අලංකාර සැරසිලි අංග නිර්මාණය කර ගනියි.
- වෙල් කඳුරු ගෙඩි සහ නාවා ගස්වල ගෙඩි ආදිය ද පහන් සඳහා විකල්ප ක්‍රම වශයෙන් භාවිත කරයි. වෙසක් උත්සවය විවිධ ජාතීන්ගේ නිර්මාණ රසඥතා වර්ධනය කර ගැනීම සඳහා පාදක වේ.
කාර්ය පත්‍රිකාව
- වෙසක් උත්සවය වැදගත් වන්නේ ඇයි?
- වෙසක් උත්සවය විචිත්‍රවත් කරන සැරසිලි 3ක් නම් කරන්න.
- වෙසක් සැරසිලි සඳහා යොදාගන්නා අමුද්‍රව්‍ය කිහිපයක් නම් කරන්න.
- වෙසක් උත්සවයේ දී බෞද්ධයන් අනුගමනය කරන පූජා විධි දෙක මොනවාද?
- වෙසක් උත්සවයේ දී බෞද්ධයන් තුළ වර්ධනය වන ආකල්ප මොනවාද?
- වෙසක්පතක් ඇඳ වර්ණවත් කරන්න.