- ශ්‍රී ලංකාවේ ලෙන් චිත්‍ර අතර බහුලව දක්නට ලැබෙන්නේ මිනිසුන් සහ සතුන්ගේ රූප සටහන් ය.
- එම සත්වයින් අතර අලියා, දිවියා, සිංහයා, කිඹුලා, පත්තෑයා, මුවා, ගෝනා, වඳුරා තලගොයා සහ මොණරා ද වෙති.
- මේ චිත්‍ර දැකිය හැක්කේ සංකේතාකාරයට ය. දුන්න හා ඊතල දක්නට ඇත්තේ ද සංකේත දෙකක් ලෙස ය. මේ මඟින් ආදි මානවයාගේ ප්‍රධාන ජීවනෝපාය වූ දඩයම සංකේතවත් කර ඇත.
- මෙම චිත්‍ර ඇදීමේ දී සායම් ලී කැබැල්ලකින් හෝ ඇඟිල්ලෙන් තැවරීමේ ශිල්ප ක්‍රම භාවිත කර ඇති බව පෙනේ.
- අගුරු, කිරිමැටි, සත්ව ලේ. හිරිගල් වර්ෂා වශයෙන් යොදා ගෙන ඇති අතර වර්ෂා දියකර ගැනීම සඳහා වතුර හෝ මැලියම් භාවිත කොට ඇත.
තන්තිරිමලේ ගුහා චිත්‍ර
- තන්තිරිමලේ ගුහා චිත්‍ර ශ්‍රී ලංකාවේ ප්‍රාග් ඓතිහාසික යුගයට අයත් ය.
- මෙම චිත්‍ර ඇඳීමේ දී පරිසරයෙන් සොයා ගත් වර්ණ භාවිත කර ඇත.
- රේඛාවට මුල්තැන දෙමින් ස්වාධීනව මෙම චිත්‍ර සටහන් ඇඳ තිබීම විශේෂ ලක්ෂණයකි.
- මෙම චිත්‍ර නිර්මාණයේ දී බහුල ව තේමා කොට ගෙන ඇත්තේ සත්ව රූ සහ මිනිස් රූපය.
- මෙහි එන චිත්‍ර අතර කණ්ඩායම් සම්පිණ්ඩනය නැමති නිර්මාණය සුවිශේෂී එකකි.
- සත්ව රූප අතරින් සොයා ගත් තලගොයා නැමති රූ සටහන ද විශේෂත්වයෙහි ලා සැලකිය හැකිය.
දොරවක ගුහා චිත්‍ර
- දොරවක ලෙන කෑගලු දිස්ත්‍රික්කයේ බෙලිගල් කෝරලයේ වරකා පොළට නුදුරු ද්දෙනිය වතුයායේ පිහිටා ඇත.
- මෙය එකකින් අනික දරා සිටින විශාල ගල් පර්වත දෙකකින් සැදුණු ස්වභාවික ගල්ලෙනකි. අඩි 55ක් පමණ උස ය.
- පුරා විද්‍යා කොමසාරිස් වරයෙකු වූ (කැණීම්) ඩබ්. එම්. විජේපාල මහතා මෙම ස්ථානය පිළිබඳ මූලික පරීක්ෂණයක් කොට ප්‍රාග් ඓතිහාසික මානවයන් එහි විසූ බවත් මෙහි චිත්‍ර ඔවුන්ගේ බවත් තීරණය කර තිබේ.
- මෙම චිත්‍ර නිර්මාණය කොට ඇත්තේ පොළවේ සිට අඩි 6 1/2 පමණ උසකිනි. ජජ්‍යාමිතික හැඩයෙන් යුත් මෙම චිත්‍ර තද නොවූ ගල් බිත්තියේ තවත් ගලකින් කපා සකස් කර ගත් බව පෙනේ.
- පී.එස්.ආර්. බුවනි (THE CEYLON ANTICURY 1918 - 1919) විසින් මෙම ලෙනේ චිත්‍ර අතුරින් ඇතා සහ පැටවා වශයෙන් චිත්‍ර දෙකක් හදුනා ගෙන ඇත.
- මෙම ඇතා සහ පැටවා චිත්‍ර සටහන ඇත්තේ ගල්ලෙනෙහි ඇතුළත බිත්තිවලින් එකක ය. මෙහි තලගොයා යයි සිතිය හැකි රූ සටහනක් ද දක්නට ඇත.
- ඊට අමතරව ඉර සහ හඳ දැක්වෙන චිත්‍ර සටහනක් ද වෙයි.
බිල්ලෑව ගුහා චිත්‍ර
- උතුරු මැද පළාතේ අනුරාධපුර දිස්ත්‍රික්කයේ බිල්ලෑව ගල්ලෙන පිහිටා ඇත.
- මෙම ලෙන් බිත්තිවල රේඛා භාවිත කොට ඇඳි අලි රූප දැකිය හැකි ය.
- මෙම චිත්‍ර අතර බහු මාධ්‍යයෙන් නිම කළ චිතු ද හමු වී තිබේ.
